Mardum shumari 2023: PBS ne panchwein baar tareekh mein tausee’ ki
Pakistan Bureau of Statistics (PBS) ne jumma ko jaari sattawan mardum shumari ki tareekh mein panchwein martaba tausee’ kar di.
Ginti ki aakhri tareekh – jo keh asal mein 4 April tak mukammal hona thi – ko 15 din ke liye barha kar 15 May kar diya gaya hai. Mashq ko ibtidaai tor par 10 April tak aur phir 15, 20 aur 30 April tak barha diya gaya tha.
Alahida tor par, PBS hukkam ne siyasi jamatoun ke rahnumaon ko jaari mardum shumari ke bare mein briefing di – jo keh pehli baar digital tor par ki ja rahi hai – beshumaar amal aur ab tak haasil kiye gaye adad o shumar ke sath.
Briefing ke baad media se baat karte hue, mansooba bandi aur tarqi ke wazeer Ahsan Iqbal ne kaha keh un ki wizarat mardum shumari ko iss tarah se yaqeeni banana chahti hai keh “sab ke liye qabil-e-qabool” ho.
Unhon ne mazeed kaha keh kuch siyasi jamatoun ne mardum shumari par etiraazaat utheye aur mazeed kaha keh iss hawale se pesh raft un ke sath share ki gayi hai.
“Shehri ilaqoun mein ginti ka amal sust raha hai,” unhon ne tasleem kiya. “Issi tarah door daraaz ilaqoun mein ginti nahin ho saki. Kuch ilaqoun mein abadi mein ghair mamooli izafah dekha gaya hai.”
Wazeer ne bataya keh ginti ke amal ko tez karnay ka faisla kiya gaya hai.
Jamaat-e-Islami (JI) Karachi ke ameer Hafiz Naeem ur Rehman, jinhon ne Iqbal ke sath media se khitab kiya, kehne keh Karachi ki nisf abadi ko shumar nahin kiya gaya hai. Hum ne [PBS] se kaha hai keh woh iss baat ki nishandahi kare keh kahan ki abadi kam ya ziyada ginti gayi hai.”
Rehman ke khadshat ko dor kartay hue wazeer ne wazeh kiya keh PBS kisi ilaqe, shehr ya subay ke khilaaf t’asub ka shikaar nahin hai. Unhon ne kaha keh hamein NFA (National Finance Commission) ko nahin jorna chahiye – aik aini idara jisey wafaqi tax mahsulat ki taqseem ke liye aik award dene ka paaband banaya gaya hai – aik subay ki abadi mein.
Iqbal ne mazeed kaha ke hakam ke paas October ya November tak mardum shumari mukammal karne ki gunjaish hai. PBS mulk ki tareekh mein pehli baar jari mardum shumari ko digital tareeqay se anjam de raha hai, mardum shumari ke field operations baghair kisi rukawat ke 1st March se shuru honge. Taham, hakoomati idara mardum shumari ke kaam ko mukammal karne ke liye apni aakhri tareekh mein tosiya kar raha hai takay baqi ginti ko durust tareeqay se anjam diya ja sake aur 100% coverage ko yaqeeni banaya ja sake.
Taham, siyasi jamatoun, bishmol Jamaat-e-Islami aur Muttahida Qaumi Movement-Pakistan (MQM-P) ne mardum shumari par etrazat uthaye hain, khas tour par Karachi, jiski abadi unka dawa hai ke unki ginti kam hai.
Aik ahem hukmaran Jamaat-e-Pakistan Peoples Party ki taraf se bulai gai aik kasiruljamati conference (MPC) ne faisla kia ke agar wafaqi hakam ki janib se Sindh ke tahaffuzat ko dour na kia gaya to mulk mein jari satwin digital mardum shumari ke natijon ko qabool nahin kia jayega.
Wazeer-e-Azam Shahbaz Sharif ne haal hi mein wafaqi hakumat ki ahem ittehadi MQM-P ke tahaffuzat ko dour karne ke liye wazeer-e-mansuba bundi o tarraqiyat ko hidayat ki thi ke in ahem maloomaat ke manzar aam par anay ke baad keh party ne apne qanoon sazoun se istefaa dene ko kaha hai.
