Imran Khan ne Reham Khan ko Bushra Bibi kehne par talaq di, Awn Chaudhry

Pakistan Tehreek-e-Insaf (PTI) ke sabiq rahnuma Awn Chaudhry ne jummaat ko ek chonka dene wala inkishaaf karte hue ilzaam lagaya hai ke sabiq wazeer-e-azam Imran Khan ne apni doosri shareek hayat Reham Khan ko apni maujooda ahlia Bushra Bibi kehne par talaq di thi.

Yeh inkishaaf Islamabad ki ek district and session court mein Pakistan Tehreek-e-Insaf ke sarbrah Bashir Riaz Wattoo – jo Bushra Bibi ke naam se mashoor hain – ke saath mubeenah ghair-Islami nikah se mutaliq case ki karwai ke doraan hua.

Sabiq wazeer-e-azam ne February 2018 mein Bushra se shadi ki jo unki teesri biwi hain.

Khan ke dost Zulfi Bukhari aur party ke sabiq rahnuma Awn Chaudhry ne kaha tha ke nikkah Mufti Saeed ne Lahore mein kiya tha. Woh donon Khan ke nikkah ke gawah bhi the.

Awn ne kaha ke woh Imran Khan ke personal assistant aur political secretary thay.

Unhon ne mazeed kaha ke mein Imran Khan ke tamam zaati aur siyasi mamlaat dekhta tha.

Siyaasatdan ne adalat ko bataya ke Khan aur Reham ki talaaq 2015 mein hui thi.

Bushra Bibi ne Imran Khan se kaha ke woh Reham Khan ko fori talaq den kiunkeh yeh unke liye behtar tha.

Awn ne kaha, “Bushra Bibi ke mashware par, Khan ne Reham ko email ke zariye talaq di,” Awn ne mazeed kaha ke Khan ki sabiqa ahlia iss waqt Pakistan mein nahin thein.

Unka mazeed kehna tha ke talaaq ke baad Khan ko pareshani hone lagi aur aksar Bushra Bibi ke paas le jane ka kaha. Awn ne mazeed kaha ke is ke baad, Khan 31 December 2017 tak Bushra Bibi se milne jate rahe, aur ilaan kiya ke woh 1 January ko un se shadi karenge.

“Imran Khan ne mujhe shadi ke intezamat karne ko kaha, mein Imran Khan ki baaton par hairan hua aur kaha ke Bushra Bibi pehle se shadi shuda thi lekin Imran Khan ne mujhe bataya ke Bushra Bibi ko talaq ho chuki hai.”

Awn ne kaha ke woh Imran Khan par bharosa karte hain aur agle din Mufti Saeed aur Zulfi Bukhari ke saath Bushra Bibi ki jagah rawana hogaye.

PTI ke sabiq rehnuma ke mutabiq, Khan ka Bushra Bibi ke sath nikah yakam January 2018 ko Lahore mein hua, aur wo is ke gawah the.

Awn ne mazeed bataya ke nikah ka ahad karne wale Mufti Saeed ne un ki maujoodgi mein Bushra Bibi ka talaq nama manga tha lekin Khan aur un ki ahliya ne unhein bataya ke yeh dastawez baad mein faraham ki jayegi.

Is ke baad unho ne bataya ke unhein shadi ke baad pata chala ke Bushra Bibi ki iddat (wo waqt jab aurat apne shohar ke inteqal ya talaq ke baad tanhai mein chali jati hai) mukammal nahi hui thi aur yeh baat Khan aur un ki ahliya dono ko maloom thi.

Is waqt tak Bushra Bibi ki shadi ka charcha media par bhi tha, unhon ne kaha ke phir Khan ne unhein bataya ke iddat 18 February ko mukammal ho jaye gi aur muzakraat ke liye mazeed waqt diya gaya.

Bushra Bibi ne iddat ke doran Imran Khan se shadi ki, Mufti Saeed

Guzishta suna’at par Mufti Saeed Khan aur un ki ahliya Bushra Bibi ka nikah karne wale ne kaha tha ke jode ne sab kuchh janate hue bhi iddat ke doran shadi ki.

Imran Khan ne January 2018 ko mujh se phone par rabita kiya, is waqt mere Imran Khan ke sath achhe taluqat the aur main un ki core committee ka rukn tha.

Aalim din ne adalat ko bataya ke ‘Imran Khan ne mujh se Bushra Bibi ke sath nikah karne ko kaha.

Un ka mazeed kehna tha ke Bushra Bibi ke sath ane wali ek khatoon ne khud ko un ki behen bataya.

Mufti Saeed ne kaha, “Main ne is [khatoon] se poocha ke kya Bushra Bibi Bibi ka nikah sharaiyat ke mutabiq kiya ja sakta hai,” Mufti Saeed ne mazeed kaha ke khatoon ne unhein bataya ke sharaiyat ke tehut nikah ke tamam tawaqo puray hain.

Unhon ne mazeed bataya ke unhon ne khatoon ki yaqeen dahani par yakam January 2018 ko Bushra Bibi ke sath Khan ka nikah kiya.

Mufti Saeed ne adalat ke robaro kaha, “Phir sabiq wazir-e-azam ne February 2018 ko mujh se dobara rabita kiya aur mujh se Bushra Bibi ke sath dobara nikah karne ki darkhwast ki kyun ke pichhla nikah sharaiyat ke khilaf tha.”

Unhon ne kaha ke pehli bar jab nikah hua to Bushra Bibi ki iddat khatam nahi hui thi.

Unhon ne Khan ka hawala dete hue kaha ke Bushra Bibi ko November 2017 ko talaq ho gai thi aur yeh ‘pesh goi’ thi ke agar PTI chairman Bushra Bibi se shadi karte hain to wo Pakistan ke wazeer-e-azam ban jayenge.

Mufti Saeed ne mazeed kha keh pehla nikah ghair qanooni tha ju keh ‘nabuwat’ ki bunyad par tha.